monumenta.ch > Plinius > sectio 185

Word Selection for Searching

Report an Error in this Sectio
Plinius, Naturalis Historia, 20, 185
{LXXII} Et anesum adversus scorpiones ex vino habetur, Pythagorae inter pauca laudatum sive crudum sive decoctum; item viride aridumve omnibus, quae condiuntur quaeque intinguntur, desideratum, panis etiam crustis inferioribus subditum. saccis quoque additum cum amaris nucibus vina commendat.